Son subvencionables aqueles custos considerados necesarios para cumprir coa finalidade do proxecto, tales como:
• A construción e mellora dos bens inmobles.
• A adquisición de maquinaria.
• A adquisición de equipamento novo.
• A adquisición de terreos
• A adquisición de inmobles.
• Os investimentos intanxibles como a adquisición e o desenvolvemento de programas informáticos.
• O arrendamento con opción de compra.
• Os custos xerais vinculados ao investimento (estudos de viabilidade, honorarios referidos ao asesoramento sobre sustentabilidade económica e ambiental, gastos de proxectos, dirección de obra e adquisición de patentes, licenzas, dereitos de autor e marcas rexistradas).
• Os gastos notariais e rexistrais derivados do comezo da actividade prevista no proxecto.
Pola contra, non serán custos subvencionables:
• A mera reposición ou substitución de equipamento e as obras de mantemento das instalacións.
• Os investimentos que substitúan a outras que fosen financiadas polo fondo FEADER ou outro fondo comunitario, sempre que non transcorresen 5 anos desde a súa realización.
• Os investimentos de reforma ou rehabilitación de inmobles cuxa construción ou adquisición fose financiada polo fondo FEADER ou outro fondo comunitario nos 5 anos anteriores.
• Os gastos de funcionamento da actividade subvencionada e o material funxible en xeral, coas excepcións que para os proxectos de formación establécense.
• O IVE recuperable polo promotor do proxecto, así como os demais impostos indirectos que sexan susceptibles de recuperación ou compensación, así como os impostos persoais sobre a renda.